Arsyet e Vllaznisë janë të pafundme për të triumfuar në këtë përballje. Vllaznia po përgatitet për sfiden e parë zyrtare të sezonit futbollistik.
Kundërshtari I saj është Universitatea Craiova, e vlefshme për fazën e dytë kualifikuese të Conference League. Sfida e parë do luhet në stadiumin ‘Loro Boriçi’ ora 21:00, ku pritet një interes shumë I madh nga sportdashësit shkodran.
Newsport.al ka radhitur 10-të arsyet pse Vllaznia do të kualifikohet:
1- Mitiku ‘Loro Boriçi’. Sezoni që lamë pas ka treguar që Vlllaznia në fortesën e saj është një ekip që nuk mposhtet kollaj, 18 ndeshje të luajtura 10 fitore dhe 5 barazime. Pa lënë pas sfidat në Europë ku arriti kualifikimin në turin e dytë.
2- Tifozeria shkodrane. Tashmë është fakt që tifozeria shkodrane luan rol kyç në ecurinë e ekipit, kur ekipi ka nevojë ata janë lojtari 12-të.
3- Merkato. Afrimet e reja me kualitetin e shfaqur duket që ekipi ka afruar në gjirin e saj lojtarë cilësorë, kjo është treguar më se miri me përshtatjen dhe harmoninw që gëzon ekipi, dhe në sfidat miqësore.
4- Stafi. Ardhja e trajnerit Mirel Josa shikohet me optimizëm në rradhët e kuqebluve. Eksperienca dhe përvoja e tij do të jenë faktor ndihmës në këtë sfidë.
5- Eksperienca. Ekipi Vllaznisë është një ekip me eksperiencë në Europë ku ka një koeficent 3.000 dhe renditet në vendin e 640 më mirë se dhe kampionët aktual.
6- Benefitet. Të arrdhurat që sigurohen nga kalimi I këtij turi do luanin një rol të rëndësishëm në zhvillim e ekipit dhe kjo do krijonte një situatë qetësie për ekipin dhe do rriste pritshmërinë.
7- Ekipi. Vllaznia ka ruajtur boshtin e saj nga sezoni që lamë pas. Shpejtësia dhe tashmë eksperienca nuk mungon në ekip. 11 golat e shënuar në miqësoret e fundit tregojnë që ekipi ka rritur dhe stabilizuar repartin sulmues. Mesfusha dhe mbrojtja ruajnë stabilitetin e tyre.
8- Kundërshtari. Në letër mund të jenë ta favorizuar, por duket qartë që frika e tyre për një eleminim të mundshëm sa vjen dhe shtohet duke parë përforcimet dhe paraqitjen e Vllaznis dhe largimet e shumta që kanë pasur ekipi rumun. Ekipet shqiptare tashmë janë ‘makth’ për ekipin mik.
9- Vitrina EUROPË. Praj vitesh lojtarët kanë parë që pqërfaqësimi I ekipit në Europë për ta është vitrina më e bukur dhe e shpejt për një hap të madh në karrierën e tyre.
10- Vllaznia. E fundit nga arsyet por jo për nga rëndësia. Emri që mbartë, historia dhe kultura e cdo organike të ekipit tregon që mund të triumfojë në cdo rang që merr pjesë. Më shumë se kurrë do faktojë në këto dy perballje.
