Sot është një ditë shumë e veçantë për shkodranët. Vllaznia feston 106 vjetorin e krijimit.
Një klub që ka shkruar historinë në futbollin, duke u bërë një nga klubet më me emër në vendin tonë.
Në këtë ditë të veçantë, klubi ka bërë një postim në rrjetet sociale, ku shkruan se me krenari e dinjitet kanë arritur të çojnë drejt suksesit kuqeblutë.
“106 vite Vllazni!
16 shkurt 1919-16 shkurt 2025
106 vite histori, krenari dhe dinjitet! Klubi më i vjetër sportiv në Shqipëri sot ka ditëlindjen. Të bindur dhe të vendosur për t’i çuar sukseset e Vllaznisë edhe më tej.
Gëzuar familja e madhe”, shkruhet në postimin e klubit.
