Portieri 17-vjeçar i Dinamos, Simon Simoni duket se do të vijojë një aventurë të re, teksa ndodhet në Turqi për të mbyllur kontratën me Alanyaspor. Klubi turk dhe portieri duket se e kanë gjetur marrëveshjen dhe Simonit i janë premtuar minuta.
I vetmi detaj është formula e transferimit, teksa klubi turk nuk po gjen marrëveshje me Dinamon. Drejtuesit e Dinamos kërkojnë 500-mijë euro për transferimin, ndërsa një opsion është huazimi një-vjeçar për 100-mijë euro, me të drejtë blerje në fund të sezonit.
Alanyaspor është klub i Superligës turke, teksa u rendit sezonin e fundit në vendin e pestë dhe shpreson shume qe ne sezonin e ri te beje edhe me mire, por nderkohe po mendon edhe per te ardhmen.
Portieri titullar ishte 35-vjeçari portugez Marafona, i cili nuk ka pasur një zëvendësues ideal, teksa për një gjë të tillë po kërkohet pikërisht portieri i Dinamos, 17-vjeçari nga Shënkolli, Simon Simoni.
Maringlen ZHIVANI
