Endri ÇINARI
Mbështetësit kuqeblu duket se nuk do i mungojnë Vllaznisë në ndeshjen e fundit të këtij viti. Shkodranët do shoqërohen nga tifozët e tyre të zjarrtë dhe në veçanti tifo grupi “Vllaznit Ultras”. Përmes një postimi në rrjetet sociale ata bëjnë me dije se do udhëtojnë të organizuar nga Shkodra drejt kryeqytetit ditën e premte.
Tifo-grupi po ashtu feston gjatë këtyre ditëve edhe 19-vjetorin e krijimit të tyre. Duke qenë kështu tifo grupi i ultrasve më i vjetër në vend. Kjo një arsye më shumë për ta shndërruar në festë ndeshjen kundër Partizanit. Që do mbyllë edhe vitin futbollistik 2024 për të gjithë skuadrat e elitës së futbollit tonë.
Paradoksi me tifozët ka qenë i madh tek Vllaznia këtë sezon. Ku në transferta mbështetja e tyre nuk ka munguar asnjëherë, madje edhe në numër të konsiderueshëm.
E ndërsa në ndeshjet si vendas, kuqeblutë nuk është se kanë pasur numrin e duhur të tifozëve në shkallët e “Loro Boriçit”. Që shpesh ka qenë i zbrazët pavarësisht ecurisë pozitive të 9 herë kampionëve të vendit këtë sezon./www.shkodrasport.com/
