Franca zbarkoi në Rusi me qëllim për t’i treguar botës forcën e talenteve, por rrezikon të bëjë një figurë jo të mirë.
Arsyeja? Djathi, së paku sipas personit që furnizon skuadrën e Didie Deshamp në “bazën” e bluve në Istra.
Dyqani lokal është i pajisur mirë dhe i dërgon tri blloqe të mëdha djathi “Kolmogorovski” shefit të skuadrës franceze, Ksavier Ruso.
“Do përfundojë që do shëndoshen. Nuk e di se përse u nevojiten kaq shumë”, është shprehur në “anonimat” pronari i dyqanit për emetuesin francez “BFMTV” përpara se të zbulonte që “Gjelat”, gjithashtu kanë një uri të madhe për jogurt. “Marrin 140 kupa në ditë! Hanë gjithë ditën mesa duket”.
Do ishte interesante të njihej se si një volum kaq i madh produktesh qumështi arrin të përfshihet në mikro-regjimin ditor të këshilluar nga Gregori Dypont, ish-trajner i angazhuar me kujdesin ndaj forcës dhe formës (më parë pjesë e Lilës dhe e Gllasgou Rejnxhers), i punësuar nga Federata Franceze si përgjegjës i performancës.
