David De Gea i dha fund aventurës 12-vjeçare në “Old Trafford”. Portieri spanjoll fitoi 7 trofe me Manchester United.
Spanjollit i përfundoi kontrata dhe pritet të transferohet si lojtar i lirë në Arabinë Saudite. Tek ekipi Al-Nassr, duke u bashkuar përsëri me Cristiano Ronaldon.
Shtypi anglez shkruan se 32-vjeçarin e pret një pagë rreth 300 mijë eurosh në javë nga klubi saudit.
Bisedimet mes palëve po shkojnë mirë dhe së shpejti mund të vijë zyrtarizimi si lojtari më i ri i Al-Nassr.
De Gea, i cili ka veshur 45 herë fanellën e kombëtares së Spanjës, doli nga akademia e Atletico Madrid, duke shkëlqyer për dy sezone me skuadrën e parë.
Ndërkohë, “Djajtë e Kuq” kanë piketuar Onanën e Interit si pasuesin e “gardianit” iberik. Dhe po ushtrojnë “presion” për blerjen e portierit kamerunas.
