Kombëtarja e femrave e drejtuar nga Armir Grima ka arritur të marrë një pikë në Varshavë, duke barazuar përballë Polonisë me rezultatin 1-1.
Padyshim qe ky mund te konsiderohet nje rezultat fantastik sepse Polonia eshte nder ekipet me te mira te Europes dhe te barazosh ndaj saj nuk eshte pak.
Per me teper qe Polonia na kishte mundur ne ndeshjen e pare brenda ne “Loro Boriçi” me rezultatin 4-1.
Ka qenë një rezultat jo pak surprizë ky i arritur nga skuadra kuqezi, pasi vinin në këtë takim nga 5 humbje radhazi në eliminatoret e Botërorit të fazës së dytë.
Polaket kanë shënuar që në minutën e 2-të me anë të Katarzinës duke dhënë përshtypjen e një goleade, ndërkohë që në pjesën e mbetur të lojës, skuadra jonë ka ditur të mbrohet mirë.
Në pjesën e dytë, ka qenë Morina ajo e cila ka shënuar golin e barazimit në minutën e 74, duke vulosur edhe takimin pasi në minutat në vazhdim nuk kishte më gola.
Polonia renditet në vendin e dytë me 7 pikë pas 4 ndeshjes, ndërkohë që Shqipëria është e fundit me vetëm 1 pikë pas 6 ndeshjesh.
Ndeshja e radhës e vajzave kuqezi do të luhet në datën 10 prill në “Elbasan Arena” përballë Bjellorusisë dhe hyrja në stadium do të jetë falas.
Kualifikimi i Shqipërisë deri në këtë raund, është një kualifikim historik pasi arrin për herë të parë. Kujtojmë që në raundin e parë, Kombëtarja jonë ka mundur të renditet e para në grupin ku kishte Greqinë, Kosovën dhe Maltën.
Nese deri para pak kohesh, te gjithe ekipet na mundnin edhe me rezultate te thella, tashme guxojme te barazojme brenda ne Poloni. Nese arrijme te fitoje te marten ndaj Bjellorusise, do te jete nje hap i shkelqyer i futbollit te femrave ne Shqiperi.
Padyshim qe nje merite te madhe ka treshja e trajnereve te ketij ekipi e perbere nga shkodranet Armir Grima, Vioresin Sinani dhe Elis Legata.
Por nga ana tjeter, nje merite te madhe kane edhe futbollistet e Vllaznise qe jane pjese e kesaj kombetareje dhe ne ndeshjen e sotme kane qene plot 6 futbolliste te ekipit shkodran qe e kane nisur ndeshjen si titullare ndaj Polonise.
