Kombetarja e Shqiperise ne atletike per meshkuj do te marre pjese ne nje aktivitet nderkombetar qe do te zhvillohet ne Tivar te Malit te Zi. Kuqezinjte e atletikes ne perberje do te kene atlete qe vijne thuajse te gjithe nga skuadra e Vllaznise. Po ashtu edhe trajneret jane thuajse te gjithe nga Shkodra dhe qe drejtojne ekipet kuqeblu. Keshtu ne 200 meter nga Shkodra do te marre pjese Elvedin Meti qe u shpall fitues i Kupes se Shqiperise para pak ditesh. Ne garen e kercimit se gjati dhe 3 hapesh do te jete Izmir Smajli i cili po ashtu arriti nje rezultat mjaft pozitiv sefundmi ne Kupen e Shqiperise. Ne disiplinen e 100 metrave merr pjese nga Vllaznia atleti Mario Shestani. Ne garen e 400 metrave, Xhaneto Zefi i cili u shpall fitues i Kupes se Shqiperise do te jete pjese e aktivitetit qe organizohet ne treven shqiptare te Tivarit. Po ashtu nje tjeter fitues i kupes se Shqiperise, Bajram Muça do te garoje ne disiplinen e 110 metrave me pengesa. Atletet e Vllaznise do te drejtohen nga trajneret Vildan Tufi, Isak Bala, Albert Marashi, fatjon Serhati dhe Dorjan Tafa. Te gjithe keta jane trajnere shkodrane dhe qe prej vitesh korrin suksese te njepasnjeshme me Vllaznine. Ne kete aktivitet marrin pjese atletete te cilet kane arritur rezultate cilesore ne garat nderkombetare, ndaj rivaliteti atje pritet te jete i madh. Atletet e Vllaznise jane pergatitur intensivisht gjate gjithe kesaj jave dhe do te kerkojne qe ne Tivar te bejne nje paraqitje dinjitoze. Shkodranet kerkojne vendet e para ne Tivar ne menyre qe te vijojne te marrin rezultate pozitive.
Senad NIKSHIQI
