Manchester United ka refuzuar një ofertë prej 60 milionë eurosh për një nga mesfushorët më të vlerësuar në Europë.
“Djajtë e Kuq” ka të ngjarë të bëjnë disa blerje të shtrenjta këtë verë pasi Sir Jim Ratcliffe dhe ekipi i tij në INEOS përpiqen të përmirësojnë gjërat në fushë pas një sezoni zhgënjyes.
United, ndërkohë, ka dërguar vëzhguesit për të parë mesfushorin e Benfica-s, Joao Neves në shumë raste sezonin e kaluar.
Në fakt, një raport nga gazeta portugeze Record sugjeron se United ka bërë një ofertë hapëse prej 60 milionë euro për portugezin e talentuar, megjithëse oferta u refuzua menjëherë nga drejtori i Benfica-s, Rui Costa.
Megjithatë, detaje të mëtejshme rreth interesit të United sugjerojnë se një marrëveshje mund të jetë në horizont.Sipas Record, Rui Costa nuk do t’i konsideronte negociatat ‘për një shumë nën 100 milionë euro (85 milionë sterlina)’ – një shumë që është 20 milionë euro më i ulët se klauzola e lirimit të Neves.
Dhe raporti shton se United është i vendosur për të nënshkruar mesfushorin 19-vjeçar mes interesimit nga një mori klubesh të mëdha europiane, përfshirë Manchester City dhe PSG.
“Duke refuzuar ofertën 60 milionë euro, mesazhi i Rui Costa-s për merkaton është i qartë”, shton Record. “Ai do të heqë dorë nga talenti i Joao Neves në këmbim të një çeku 100 milionësh”.
