Problemet që futbollistët kanë jashtë fushave të blerta dhe sidomos me hajdutët, po shtohen gjithnjë e më shumë. Deri më sot, më të sulmuar kanë qenë futbollistët e Napolit dhe kjo natyrisht për shkak të bandave të ndryshme napolitane dhe nuk është se ka ndonjë risi ose çudi të madhe.
Por, mesa duket ndjesinë e futbollistëve të Napolit, kanë nisur ta provojnë edhe në Francë duke qenë se ylli i PSG-së, Tiago Silva ka rënë pre e grabitjeve. Në kohën që ai po luante ndeshje me skuadrën ndaj Nantesit, hajdutët kanë arritur që të thyejnë shtëpinë e tij duke i marrë gjëra me vlerë.
Bëhet fjalë për nj orë të kushtueshme, vlera e së cilës arrin deri në 600 mijë euro. Në total, së bashku me gjërat e tjera të grabitura, dëmi financiar i Silvës arrin deri në 1 milionë euro. Në fakt, kjo nuk është hera e parë që sulmohen edhe futbollistët e PSG-së duke qenë se pak kohë më parë, ishte Shopo-Moting ai që ra pre e hajdutëve. /vipsport/
