Pas Reanato Malotës, Ernest Gjoka dëshiron të marrë edhe një tjetër ish- futbollist të Vllaznisë tek Kamza, me te cilin do ta çonte ne tre numrin e tyre tek kjo skuader kur dihet qe pjese e saj eshte edhe nigeriani Nurudeen Orelesi. Kjo sepse po projektohet një këmbim lojtarësh. Partizani po tenton me çdo kusht të marrë mbrojtësin e majtë të Kamzës Hektor Idrizaj.
Drejtuesit e kësaj të fundit në fakt edhe janë kundër por edhe jo kësaj lëvizje. Megjithatë nga sa mësohet, kanë kërkuar nga të kuqtë që në këmbi të Idrizajt, të marrin dy lojtarë prej tyre. Njëri mësohet të jetë mesfushori Erald Çinari.
Ish- lojtari i Vllaznisë nuk po gjen shumë hapësira tek kryesuesit e kampionatit dhe nuk përjashtohet mundësia që kjo lëvizje të realizohet. Gjëja e parë që duhet bërë në këtë rast është të pyetet lojtari nëse ka dëshirë apo jo të shkojë tek Kamza.
Çinarit me siguri që nuk do t’i pëlqejë kjo gjë pavarësisht se tek ekipi i tij i ri do të gjente trajner sërish Ernest Gjokën me të cilin punon sezonin e kaluar dhe që beson tek aftësitë e tij.
Por ndërkohë, vetë 22 vjeçari me shumë të ngjarë do preferojë të qëndrojë tek Partizani deri në fund, skuadër me të cilën mund të shpallet edhe kampion. Gjithsesi do jenë ditët në vazhdim që do të japin më shumë detaje në lidhje me këtë këmbim të mundshëm.
© shkodrasport.com
