Arne Slot, trajneri i Liverpool-it, ka folur në konferencë për shtyp para ndeshjes së Champions League kundër Lille, duke qenë optimist dhe plot vetëbesim. Ekipi i tij kryeson Premier League, trajneri holandez është në një moment të artë me skuadrën. Ai nisi duke vlerësuar kolegun Thomas Frank, i cili e ka konsideruar Liverpool-in ekipin më të mirë në botë:
“Opinioni i tij ka shumë rëndësi për mua, duke parë çfarë ka arritur me Brentford. Sidoqoftë kemi ende shumë ndeshje përpara, ndaj është herët për të bërë deklarata të tilla. Gjithsesi, është gjithmonë kënaqësi të marrësh komplimente nga dikush si ai”.
Rëndësia e përfundimit si kryesues në grupin e Champions-it: “Është e rëndësishme të fitosh, por me këtë format duket e vështirë të thuash që vendi i parë është gjithmonë më i miri. Shikoni PSG-në, një nga skuadrat më të vështira për t’u përballur, mund të përballesh me të edhe po të dalësh i pari në grup. Nuk mund ta parashikosh se çfarë ndodh më pas. Për më tepër, të jesh i pari nuk do të thotë domosdoshmërisht që je ekipi më i mirë, pasi nuk përballesh me të njëjtët kundërshtarë si të tjerët”.
Mendimi për Lille: “E njoh trajnerin e saj (Bruno Genesio) që kur u përballa me të në Rennes, më 2022. Më ka befasuar mënyra se si luante skuadra e tij atëherë. Sot, Lille ka mposhtur ekipe si Real Madridi dhe Atletico Madridi. Edhe pse mund të duket ekip befasues në letër, pas kaq shumë ndeshjesh të tij që kam parë, nuk më habit më. Meritojnë çdo pikë që kanë marrë, sidomos duke pasur parasysh shortin e vështirë dhe formën e shkëlqyer me 21 ndeshje pa humbje. Lille është një ekip që duhet respektuar”.
Pikat e forta të Lille: “Është e vështirë të identifikosh një pikë të vetme, pasi shumë trajnerë kanë ndryshuar strategjitë kundër nesh muajt e fundit. Por, bazuar në ndeshjet e tyre të fundit, si ajo kundër Marseille, ky kundërshtar bën presion të lartë dhe nuk heziton të ndërtojë nga prapavija.
Do të jetë interesante të shohim nëse do të ruajnë stilin e tyre të zakonshëm kundër nesh. Neve na duhet vetëm një pikë për të kaluar më tej, por Liverpool-i nuk ka luajtur kurrë vetëm për një pikë. Ne gjithmonë synojmë të luajmë në stilin tonë, duke bërë përshtatje vetëm për detaje të vogla. Kjo është ajo që do të përpiqemi të bëjmë edhe sonte”./telesport/
