Fitore minimale por me shumë vlera ajo e Adës pasditen e sotme në fushën sportive “Adriatik” të Velipojës ndaj Elbasanit. Themi me shumë vlera sepse Ada jo vetëm e ka mundur këtë kundërshtar sot por edhe e ka lënë pas në renditje. Ajo ka përfituar edhe nga barazimi i Besëlidhjes dhe për rrjedhojë ndodhet momentalisht në vendin e 12-të të renditjes. Ndeshja e sotme ka qenë shumë e bukur. Goli i vetëm i ndeshjes është shënuar nga Abaz Karakaçi në minutën e 29-të të ndeshjes por duhet thënë se epërsia e kësaj skuadre ka qenë e madhe dhe në të gjitha drejtimet. Ajo ka patur shumë raste shënimi por të pakonkretizuara dot. Megjithatë e rëndësishme është që Ada ka marrë tre pikë dhe duket në rrugë të mbarë për t’u ngjitur në renditje. Rezultatet e ndeshjeve të sotme të kategorisë së parë janë këto:Kategoria e Parë
JAVA 20 (09.03.2013)
BESËLIDHJA-BUTRINTI 1-1
Golat: Aritonovic 59′ / Alzeneli 27′
ADA-ELBASANI 1-0
Golat: Karakaci 29′
LUSHNJA-TËRBUNI 3-1
Golat: Grizha 30′, Koreshi 51′, 66′ / Jevdevic 76′ (pen)
PARTIZANI-BURRELI 2-1
Golat: Malo 33′ (pen), Lala 78′ / Pjetrani 90+4′
KAMZA-DINAMO 2-1
Golat: Hysenbelliu 80′, Petro 84′ / Abdalli 65′
NAFTËTARI-ILIRIA 1-0
Golat: Lila 79′
HIMARA-POGRADECI 1-0
Golat: Gega 20′
GRAMSHI-MAMURRASI 0-0
