Ndeshja e radhës mes Elbasanit e Adës në Velipojë nga shumëkush cilësohet si kryendeshja e javës gjashtë të Kategorisë së Parë. Kjo për vetë faktin për atë çfarë ekipet kanë treguar në 5 ndeshjet e zhvilluara deri tani. Elbasani është një skuadër që kërkon daljen në Superligë dhe për këtë edhe ka shpenzuar konsiderueshëm, ndërsa Ada edhe pse një skuadër e ndërtuar vonë për sezonin që ka filluar në javët e para po tregohet një kockë e fortë për tu mundur. Velipojakët në 5 takimet e luajtura akoma nuk e njohin humbje dhe tek ndonjë ka krijuar edhe çudi jo vetëm për faktin që askush nuk e ka mundur edhe pse ka luajtur me ekipe si Burreli, Besa apo Gramozi por sepse bregdetarët pa bërë shumë zhurmë mbajnë vendin e dytë në renditje me 9 pikë, një më pak se Beslëidhja e vendit të parë. Momenti ku ndodhen skuadra, ë bën ndeshjen interesante dhe të paktën në Velipojë ka ngjallur kureshtje. Ada edhe në këtë sfidë patjetër që do të kërkojë një rëzultat pozitiv, ndonëse shkon drejt Elbasanit për të marrë fitoren pavarësisht se është e vështirë, është e kënaqur edhe me barazimin. Ekipi është në një formë të mirë sportive, të gjithë janë të gatshëm për duelin e të shtunës me Elbasanin përveç Linit që nuk mund të luaj për shkak të kartonit të kuq në Ersekë, pjesa tjetër nuk kanë probleme. Në këtë mënyrë velip ojakët kanë nisur përgatitjet intensive për përballjen me elbasanasit për të mos dalë me shijen e humbjes nga “Ruzhdi Bizhuta”.
