Ada e Velipojës e ka mbyllur gjysmën e parë të kampionatit në vendin e nëntë në renditje me 15 pikë të grumbulluara në 12 ndeshje të luajtura. Jo keq nisur nga problemet me të cilat kjo skuadër e nisi sezonin por edhe me ato që e pasuan më pas. Mjafton t’i referohemi një fakt: Në kaq pak ndeshje, atë e kanë drejtuar plot 4 trajnerë!!! E nisi kampionatin Ersi Çaku që pa kaluar shumë javë u largua.
Më pas, deri në gjetjen e një trajneri tjetër vendin e tij e zuri Etrit Nika që e drejtoi skuadrën në vetëm 2 ndeshje ndërsa i treti ishte Zamir Lumani. Ai e nisi mjaft mirë. Arriti disa rezultate pozitive por kur pritej që ai të vazhdonte punën, dha dorëheqjen. Pas largimit të tij, ka qenë Albert Kaçi ai që mori përsipër drejtimin e velipojakëve por vetëm për një periudhë të shkurtër. Kompromisi i tij me drejtuesit ka qenë për t’i ndihmuar vetëm për një periudhë të shkurtër derisa në fundin e dhjetorit. Misioni i tij ne krye te kesaj skuadre duket se tashme ka mbaruar. Qe do te thote se Ada eshte perseri pra trajner. Ai qe do te vije do te jete i pesti. Shpresojme, i fundit per kete sezon.
© shkodrasport.com
