Humbja e javës së kaluar në Tiranë duket se ka qenë rastësi për Adën. Kuptohet që tek ajo distafë mund të ketë ndikuar edhe arbitrimi megjithatë tashmë konsiderohet një histori e kaluar.
Drejtuesit dhe futbollistët velipojakë kanë vazhduar rrugëtimin e tyre duke marrë një tjetër rezultat pozitiv. Këtë herë në Tiranë ndaj Partizanit B, në sfidën e javës së katërt të kampionatit të kategorisë së dytë.
Të kuqtë kanë kaluar në avantazh që në minutën e 2-të me anë të Hysenajt dhe madje kanë shënuar edhe golin e dytë në minutën e 13-të me anë të Beqirajt.
U duk sikur ndeshja do mbyllej këtu por miqtë nga Velipoja nuk ishin dakord me këtë. Në minutën e 15-të ata kanë fituar një 11-metërsh të kthyer në gol nga sulmuesi Galica që kësisoj ka shënuar golin e parë për Adën.
Ndërkohë në minutën e 34-të Limoni do të barazonte shifrat dhe deri në fund të takimit nuk do kishte më gol tjetër. Përfundimisht 2-2 dhe skuadrat ndajnë nga një pikë në këtë përballje.
Ada pas javës së katërt ndodhet në vendin e tretë në renditje me 7 pikë ndërkohë që udhëheqin Sopoti e Gramshi me nga 9 pikë secila.
© shkodrasport.com
