Mesditën e sotme administratori i Vllaznisë Neritan Kalamishi ka dhënë një konferencë për shtyp në lidhje me ndalimin dhe shoqërimin e tij në polici gjatë ditës së djeshme. Para gazetarëve ai ka shpjeguar atë çfarë ka ndodhur dhe njëkohësisht ka akuzuar Prefektin se ka qëllime të caktuara tek Vllaznia. “Më shoqëruan në komisariat thjesht për të dhënë një deklaratë në lidhje me abuzime e energjisë elektrikë në fushën “Reshit Rusi” që në fakt nuk është në administrimin e klubit që unë drejtoj por në polici më trajtuan si kriminel. Më mbajtën 8 orë pa ardhur askush për të kërkuar sqarime, dokumenta a diçka tjetër. Ka qenë një situatë që ka shqetësuar shumë familjen time dhe fëmijët e mi dhe sinqerisht po ju them se po mendoj të kërkoj strehim politik në Gjermani siç kam bërë në vitin 1991. Më duket se Prefekti Radovani dhe disa biznesmenë rreth tij duan të marrin Vllazninë dhe për këtë duan të më bëjnë kurban mua. Nuk janë gjëra të bukura këto që po ndodhin por për ta marrë Vllazninë ato, duhet të ndjekin anën ligjore”.© shkodrasport.com
