Humbja e sotme dhe për më tepër, eliminimi që në çerekfinale ka bërë që gjërat tek ekipi i volejbollit të meshkujve të Vllaznisë të mos shkojnë ashtu si duhet.
Dhe lëvizja e parë ka ndodhur pasditen e sotme, menjëherë pas humbjes me Tiranën.
Trajneri Adrian Mikopli ka dhënë dorëheqjen nga drejtimi i këtij ekipi. Një gjë të tillë ai ua ka komunikuar vetë mediave menjëherë pas përfundimit të kësaj ndeshje.
Nuk dihet saktësisht arsyeja e kësaj dorëheqje por nga sa bëhet e ditur, Mikopli do të jepte dorëheqjen edhe nëse skuadra do të fitonte sot.
Po ashtu, edhe nëse ajo do të shkonte në gjysmëfinale dhe madje ndoshta edhe nëse ajo do të fitonte titullin kampion.
Ish- volejbollisti i njohur i Vllaznisë mori drejtimin e ekipit në fillim të këtij sezoni por nuk ka arritur dot ta drejtojë ashtu si duhet, ndoshta edhe për disa probleme të lindura brenda- përbrenda ekipit.
Tashmë duhet pritur se çfarë do të ndodhë dhe kush do të jetë trajneri i ri i ekipit që do të marrë përsipër ringritjen e këtij ekipi.
© shkodrasport.com
