Elseid Hysaj po përballet me kritika të shumta në kampionatin italian, por edhe me ndeshjet e Kombëtares. Paraqitjet e tij të fundit, janë bërë shkak për kritikat e shumta ndërkohë që në mbrojtje i ka dalë agjenti i tij Mario Xhufredi.
Në një prononcim për “Radio Marte”, Xhufredi është shprehur se Hysaj është ndër futbollistët më të mirë dhe se kritika vijnë vetëm nga ata që iu duket vetja perfektë. Sakaq, Xhufredi ka zbuluar edhe një detaj në lidhje me merkaton e verës.
“Ata që kritikojnë Hysajn, janë njerëz që mendojnë se janë perfektë dhe e shohin veten si të tillë. Në merkaton e verës, ai mund të kalonte te Çelsi, por vetëm klauzola e futbollistit e mbajti te Napoli.
Mos harroni që Hysaj ishte ndër më të mirët në pozicionin e tyre, ndërsa mjaftojnë vetëm 2-3 ndeshje të këqija që të të cilësojnë si të padobishëm”, u shpreh Xhufredi./VipSport/
