Manuel Neuer nuk është i kënaqur me trofetë e fituara me fanellën e Bajernit të Mynihut. Agjenti i portierit ka dhënë alarmin në një intervistë për mediat gjermane ku ka theksuar se klubi bavarez nuk po përmbush qëllimet e klientit të tij.
Neuer ka luajtur 336 ndeshje me Bajernin, por tani mund të mendojë seriozisht largimin nga “Allianz Arena”.
“Karriera e Manuel është e orientuar drejt suksesit, ai dëshiron të fitojë Kampionatin Europian të vitit 2020 dhe Ligën e Kampionëve për herë dytë. Por, unë kam përshtypjen se diferenca e Bayernit me 4 skuadrat e vendeve të para në Premier Ligë, është shumë e madhe. Sipas mendimit tim bavarezët nuk janë aq konkurrues dhe të përgatitur për të përmbushur qëllimet e Neuer”- u shpreh Tomas Kroth.
Pikërisht këto deklarata duhet t’i shqetësojnë drejtuesit bavarez, të cilët po mundohen të krijojnë një skuadër të fortë vitin e ardhshëm, në mënyrë që të jenë konkurrues edhe në Ligën e Kampionëve.
Neuer luan prej 8 sezonesh tek Bayern Munich, ku ka arritur të fitojë 7 kampionate dhe një Ligë të Kampionëve.
