Në futbollin shqiptar gjatë historisë së tij ka patur shumë futbollistë të talentuar që kanë spikatur me lojën e tyre.
Agustin Kola ka qenë një ndër sulmuesit më të mirë në vend. Te Tirana ka fituar tituj, ndërkohë që bardheblutë i ka drejtuar edhe si trajner.
Momentalisht nuk është i angazhuar në ndonjë klub, por sigurisht që vazhdon të ndjekë Superioren.
Në një prononcim të tij të sotëm për “Panorama Sport” ai ndër të tjera ka folur edhe për Vllazninë duke shprehur keqardhjen, por sipas tij, ajo është e rënë nga Superliga.
Ja si është shprehur ish- sulmuesi i njohur: “Deri para pak javësh besoja se Vllaznia do të shpëtonte dhe Kamza do të ishte ekipi që do të shoqëronte Lushnjën.
Mendova se Kamza nuk do ta përballonte dot presionin, por edhe financat për të vazhduar në Superiore.
Që të jemi realistë, nëse kërkon të mbash një skuadër në elitë, duhen të paktën 60 milionë lekë në muaj.
Gjithsesi, Kamza ka ekip të mirë dhe e meriton qëndrimin.
Presidenti Qarri dhe kryebashkiaku Mziu kanë investuar dhe janë shpërblyer. Me keqardhje e them, por Vllaznia është e rënë nga Superiorja”
www.shkodrasport.com
