Ekipet e Akademisë Vllaznisë do të nisin të hënën punën për sezonin e ri futbollistik. Pas një muaji pushimesh, trajnerët dhe sportistët do të zbresin në fushën “Reshit Rusi” ditën e parë të javës që vjen për t’u njohur me trajnerët që do t’i drejtojnë dhe për të bërë planet për vazhdimësinë. Një gjë e tillë bëhet e ditur përmes një njoftimi që vetë klubi shkodran ka bërë në faqen e tij zyrtare.
Ato kanë njoftuar të gjithë futbollistët e rregjistruar por edhe të tjerë që kanë dëshirë të jenë pjesë e Akademisë Vllaznisë, të jenë të pranishëm të hënën në orën 16.00 për nisjen e stërvitjes. Bëhet fjalë për të gjithë futbollistët nga mosha 8-15 vjeç sepse siç dihet, ekipet U-17 dhe U-19 kanë filluar prej një muaji stërvitjen. Burime pranë klubit bëjnë të ditur se ka një fluks kërkesash të reja për rregjitrime në ekipet e ndryshme të kësaj Akademie. Një interesim i tillë padyshim që vjen nga puna cilësorë që bëhet në këto ekipe por edhe rezultatet që ato kanë patur.
www.shkodrasport.com
