Kategoria e Parë ka hyrë në faza interesante, e madje në javët e fundit ka pasur akuza dhe kundërakuza. Ndeshja Dinamo-Tërbuni e cila përfundoi 1-1 prodhoi akuza, ndërsa Gjon Gjonaj, kryebashkiaku dhe njëkohësisht presidenti i skuadrës pukjane e ka me gjykimin.

Madje në lidhje “live” më “E hëna sportive” ka pohuar: “Këta gjyqtarë po vendosin ndeshjet, kjo u pa qartë në ndeshjen me Dinamon që në minutat e para. Këta gjyqtarë janë duke përbaltur edhe FSHF-në.

Më vjen keq edhe për sjelljen e e trajnerit Italian të Dinamos, Kamarata që sillet në një mënyrë brutale ndaj Edmond Dalipit që është një ish-futbollist, një qytetar dhe trajner i denjë. Arbitri ka qenë në anën e Dinamos.

Na u mohua penallti me Dinamon, pastaj ndeshjet këtu po I vendosin gjyqtarët. Kërkoj nga FSHF që të dënohen arbitrat dhe të marrë masa sepse janë edhe katër javë”, – tha Gjon Gjonaj i revoltuar me gjukimin në ndeshjen ndaj Dinamos./vipsport/