Vllaznia tashmë është bërë me një sponsor të ri. Ditën e djeshme Bashkia Shkodër bëri zyrtare arritjen e marrëveshjes me biznesmenin Alban Xhaferri dhe ky është një hap I madh për skuadrën. Në një intervistë për “RTSH Sport”, Xhaferri ka zbuluar planet dhe projektin që ka për skuadrën. Objektivi I këtij I sezoni është padyshim shmangja e zonës “Play Off”, për të menduar më pas për të krijuar një skuadër kompetitive për Superligë.
“Mundësia e parë ishte për pjesën e privatizimit të aksioneve, por duke parë dhe situatën dhe ligjin e ri që pritet të miratohet së shpejti dhe vullnetin e Kryetares së Bashkisë për të arritur një marrëveshje. Dëshira ime ishte e madhe dhe menduam që fillimisht të bënim një hap të parë bashkëpunimi.
Kjo është një marrëveshje sponosorizimi, bashkëpunimi dhe partneriteti e ndërsjelltë kundër disa detyrimeve e pikave të përcaktuara qartë me motivin për ta bërë Vllazninën të arrijë sa më lartë. U kam thënë lojtarëve që të ndihen sa më komod në punën e tyre e të fokusohen te futbolli dhe rezultatet e të respektojnë fanelën e Vllaznisë që na përfaqëson të gjithëve.
U dhashë besimin e plotë që të arrijnë këtë objektiv që kemi e pastaj të mendojmë për sezonin tjetër që të bëjmë plane shumë më të mira. Do të jem për ndeshjen e radhës në Korçë dhe gjithmonë do të jemi në mbështetje të skuadrës.
Është një ndeshje shumë e rëndësishme dhe I kam bërë thirrje lojtarëve të fokusohen te loja pasi një fitore do ta ndryshonte komplet situatën. Jam duke punuarë fortë që të përfshihen 100% në skuadër”./newsport/
