Ndeshja mes Tiranës e Vllaznisë sot u mbyll me një barazim pa gola.Rastet nuk munguan, por asnjë nga ekipet nuk konkretizoi. Në pjesën e parë ishin shkodranët më të rrezikshëm, ndërsa në të dytën ishte Tirana që i shkoi më afër golit.
Lojtari i Tiranës Albano Aleksi i ftuar në Ora Sport në RTV Ora deklaroi se po të ishin pak më të kujdesshëm mund ta ndëshkonin Vllazninë, disa herë.
“U bë një ndeshje shumë e bukur, por pa gola. Gjithsesi kishte raste nga dy ekipet. U munduam ta fitonim, si ne, si Shkodra, por u mbyll pa gjë. Ne gjithmonë në çdo ndeshje, si çdo ekip shkojmë për të dhënë maksimumin, se Tirana është ekip shumë i madh.
Dhe çdo herë tenton si brenda dhe jashtë fushe të marrë maksimumin e pikëve.Gjithsesi Shkodra luajti një futboll shumë të mirë, por nuk jam dakord me profesorin që thotë se Shkodra meritonte më shumë. Po të ishim pak më të kujdesshëm mund ta kishim ndëshkuar Shkodrën jo një herë, por dy-tre herë.
Shkodra ka pasur vetëm një rast flagrant në fillim të ndeshjes,” tha ai.
