Mbrojtësi 19-vjeçar spanjoll i Milan, Alex Jimenez, që këtë sezon është alternuar mes skuadrës së parë dhe Milan Futuro (skuadra e dytë që luan në Serie C), foli për sezonin e tij me kuqezinjtë.
Ish-spanjolli i Real Madrid trajtoi disa çështje duke folur për dy trajnerët që ka patur këtë sezon: “Të dy më dhanë besim. Fonseca më futi në fushë në një moment të vështirë kundër Genoa, në ditën e 125-vjetorit të themelimit të Milan”.
“Për mua ishte një moment i lumtur, për klubin më pak”, tha Jimenez, që komentoi edhe trajnerin portugez. “Conceicao më futi menjëherë në formacionin titullar kundër Juventus dhe mendova”si mund të më aktivizojë me të gjithë lojtarët këtu?“.
“Në vend të kësaj, Zoti më dha besim që në momentin e parë. Më pëlqen shumë si trajner, për idetë dhe mënyrën e tij. E falënderoj“, foli spanjolli, që flet edhe për debutimin e tij me kuqezitë dhe lidhjen speciale me Theo Hernandez.
“Debutimi në Serie A ishte një nga ditët më të bukura të jetës sime dhe do t’i jem gjithmonë mirënjohës trajnerit Pioli për mundësinë që më dha. Para ndeshjes kundër Cagliari isha pak nervoz në autobus sepse e dija që do të nisja nga minuta e parë”, kujton Jimenez.
“Në dhomat e zhveshjes i thashë vetes të bëj atë që di të bëj dhe në fund bëra një ndeshje të mirë. Në fund të ndeshjes mbaj mend që i kërkova fanellën Theo, ai është idhulli im dhe po më ndihmon shumë me këshillat e tij. Është top lojtar dhe njeri”, tha spanjolli.
