Nga Gjergj KOLA
Nese flasim per volejbollin ne Shkoder, padyshim qe emri i pare tek i cili duhet te ndalemi eshte ai i Ali Bushatit, ikones se ketij sporti ne kryeqendren e Veriut dhe gjithe Shqiperise. Nje sportist i kompletuar qe ka lene gjurme tek sporti i rrjetes.
Po ndalemi sot tek ky personazh sepse kjo dite perkon me 82 vjetorin e lindjes se tij dhe “Shkodra Sport” po jua risjell edhe njehere tjeter ne vemendje kete legjende te volejbollit shkodran.
Ali Bushati ka lindur ne 24 tetor 1942 Shkoder dhe zgjodhi te merret me volejboll, sport me te cilin ka bere emer dhe per te cilin e ka njohur e gjithe Shqiperia si nje nga volejbollistet me te talentuar te saj, shkruan shkodrasport.com
Ai ka zhvilluar rreth 60 ndeshje ndërkombëtare (25 me ekipin përfaqësues). Për 7 vjet Vllaznia e Ali Bushatit (trajner-lojtar), Franc Jakovës (trajner) Tonin Fistanit, Sandër Palokës, Viktor Jubanit, Mark Grimcit, Xhelal Haxhit, Bato Lashovës etj rivalizojnë për titull me Dinamon. Kjo e fundit e huazonte përherë në ndeshjet e Kupës së Kampioneve të Europës.
Padyshim, Bushati ka bërë epokë në volejbollin shkodran dhe mbetet figura më e madhe e këtij sporti në Shkodër. Ai është fokusuar dhe zgjedhur në 10 figurat më të mëdha të shekullit të njëzet . Njeriu i virtuozitetit të topit në rrjetë është futur në gjashtëshen shekullore të volejbollit shqiptar dhe renditet i katërti në Shqipëri pas Asllan Rusit, Dashamir Fagut dhe Petrit Murzakut.
Shpirti i lartë i garës, lufta e fortë sportive, egoja për fitore, vlerësimi maksimal për çdo ndeshje, lojtari me cilësi universale si shuter, pasues, organizator, njohës e veprues i shkëlqyer i bllokut, kanë qenë karakteristikat kryesore të tij, për të cilat është vlerësuar me këtë titull të lartë.
23 janar i vitit 2021 do të mbetet një ditë e zezë për volejbollin shkodran. Ne kete dite u nda nga jeta në moshën 78 vjeçare legjenda e volejbollit shkodran dhe atij shqiptar Ali Bushati. Megjithate kujtimi yt do te jete gjithmone mes nesh, ashtu si dhe “bemat” e tij ne parketet e pallateve te sportit ku ka luajtur./www.shkodrasport.com/
