Jo vetëm një figurë e njohur e Kombëtares së Shqipërisë dhe një lojtar që fitoi dashurinë e të gjithëve në Gjermani, por Altin Lala po kthehet edhe në një menaxher të po këtij niveli.
Padyshim ajo goditje për të marrë nën administrim dhe për t’i besuar që në hapat e parë të Milot Rashicës, e ka kthyer Lalën në qendër të vëmendjes shpeshherë në mediat gjermane.
Ai ka dhene nje interviste per “sport ekspres” ku nder te tjera eshte pyetur edhe per numrin gjithnje ne rritje te futbollisteve me origjine shqiptare qe kohet e fundit po zgjedhin te luajne per Greqine. Dhe pergjigja e Lales ka qene kjo:
“Është e vështirë kjo situatë, duhet theksuar, nëse presioni vjen direkt nga klubi. Por si çështja e gjitha kjo i përket lojtarit dhe jo klubit. Nëse do të isha unë në vendin e tyre, do të vendosja me zemër dhe jo me kokë, pra nga presioni. Kjo është një çështje që nuk e sheh askund tjetër.
Për shembull kemi rastet e lojtarëve turqë në Gjermani. Po ata kur e bëjnë zgjedhjen për të lënë Turqinë për Gjermaninë, e kanë tërësisht në dëshirë individuale. Nuk ka asnjëherë presion për ta. Është ky rasti që thoni ju, por është edhe një rast tjetër.
Kur lojtari shqiptar kërkon t’i bashkohet Greqisë, nuk gjen hapësirë andej dhe kthehet prap te Shqipëria. Në të dyja variantet, për mua janë zgjedhje fallco”.
