Konfederata Futbollistikë e Brazilit (CBF) është në kërkim të një trajneri të ri pas shkarkimit të Dorival Junior.
Emri që kryeson listën mbetet ai i Carlo Ancelottit, por për momentin trajneri i Real Madridit ka theksuar disa herë se është i përqendruar vetëm te ‘Los Blancos’.
Në orët e fundit, Ronaldo Fenomeni, ish-lojtar i Interit dhe Real Madrid, ka theksuar se zgjidhja e duhur është të merret Pep Guardiola, që pritet të largohet nga Manchester City.
Një emër që është propozuar edhe më herët kur braziliani donte të kandidonte për president të CBF.
Pas Kupës së Botës për Klube, mund të ndodhë që Federata e Futbollit të Brazilit të bëjë një tentativë për të marrë Guardiolën.
