Kryetari i Sindikatës së Futbollistëve Profesionistë Shqiptarë, Andi Lila, mendon se klubet duhet të paguajnë lojtarët rregullisht pavarësisht shkëputjes së kampiaonatit për shkak të koronavirusit.
Ai insiston se futbollistët shqiptarë janë ndryshe nga ato të vendeve të tjera në Europë dhe se një rrogë bën diferencën në jetën e përditshme për ta, siç shpjegoi sot në “Fan Zone”.
“Është e rëndësishme për futbollin shqiptar se ai europian është ndryshe. Futbolli shqiptar është ndryshe me Europën, një muaj jo i paguar në Shqipëri është problem i madh për futbollistët profesionistë.
Sa i përket Sionit, nuk më duket normale shkarkimi i lojtarëve se çdo futbollist ka rënë parimisht dakord me presidentin përpara për kushtet financiare, ai nuk mund të marrë vendim të përgjithshëm, duhet të ulet individualisht e të bisedojë me çdo lojtar, nuk mund të veprojë sipas mendjes së tij. Secili mund të sensibilizohet vetë, gjysmën e rrogës e jep për bamirësi, t’i quhet futbollistit e jo presidentit. Për mendimin tim sjellje e tillë është problem shumë i madh,
Për kampionatin shqiptar futbollistët duhet të paguhen normalisht se është shumë e vështirë situate”, tha Lila. /vipsport/
