Njëri nga dy sulmuesit e ardhur në merkaton e verës, vlonjati Andi Ribaj sot ka gjetur rrugën e rrjetës duke shënuar të parin gol në ndeshjet zyrtare me ekipin e Vllaznisë. Sulmuesi tjetër, Charles Atsina deri më tani ka shënuar vetëm në miqësore por së fundi është dëmtuar dhe nuk dihet si do të shkojë fati i tij.
Kjo do të thotë se tashmë sytë e stafit teknik të kuqebluve por edhe të tifozëve të kësaj skuadre, janë të përqendruar tek Ribaj. Në Gjirokastër bëri një figurë përgjithësisht të mirë pavarësisht rastit flagrant të humbur me të cilin mund t’i jepte fitoren skuadrës së tij. Edhe sot u përpoq, shënoi golin e dytë, krijoi volum loje por duket qartë se ka ende për t’u përmirësuar. Gjendja fizike e tij siç dihet ende nuk është në nivelin më të mirë dhe po ashtu i duhet edhe pak kohë për t’u ambjentuar me lojën e skuadrës. Megjithatë Vllaznia duket se po e gjen sulmuesin.
© shkodrasport.com
