Autori i dy golave në fitoren me Skënderbeun, Andi Ribaj, një ish-lojtar i korçarëve, pas ndeshjes ka theksuar se qëndrimi në Superiore as duhet vënë në diskutim. Ai është shprehur i lumtur për golat dhe më tepër për 3 pikët:
“Normalisht, ishte shumë e vështirë me Skënderbeun, sepse është ekipi më i mirë i kampionatit, ndaj dhe më vjen mirë që ia arrita qëllimit.
Nuk diskutohet që do ta arrijmë objektivin e mbijetesës në Superiore, sepse kemi më shumë ndeshje brenda deri në fund, por duhet t”i marrim me radhë ato.
Skemat i golave? I bëjmë gjithmonë me profesorin në stërvitje këto skema dhe në lojë nuk është se dalin rastësisht.
Kam luajtur me Skënderbeun, kam derdhur djersë aty dhe desha të respektoj kur shënova.
Për sulmin në ndeshjet e ardhshme të shikojmë si do të luajmë”, – tha mes të tjerash sulmuesi fierak i Vllaznisë, Andi Ribaj. / Vipsport/
