Mund të duket e pabesueshme por futbollisti anglez Xhemi Feniks ka kërkuar sërish që të rikthehej tek Vllaznia dhe të jetë pjesë e saj. Në një prononcim ekzkluziv për “Sport Ekspres”, Feniks ka bërë të ditur dëshirën e tij për t’u rikthyer sërish tek kuqeblutë. Ai tashmë kërkon që të shfrytëzojë lidhjet aktuale që ka me trajnerin e Vllaznisë, Rudi Vata. Ka qenë pikërisht, Vata menaxheri përsonal i këtij lojtari që e ka sjellë atë në Shkodër në sezonin futbollistik 2009-2010 kur skuadra dretohej nga trajneri Edi Martini. Në prononcimin e tij Feniks ka shprehur haptazi se dëshiron tashmë të jetë sërish në Shkodër por këtë herë I tranformuar plotësisht.
“Unë kam komunikuar me trajnerin Rudi Vata dhe i kam shprehur dëshirën që të jem sërish pjesë e Vllaznisë. Unë dua ti kërkoj ndjesë Vllaznisë për sjelljen time në periudhën që unë kam qenë pjesë e saj por kam patur me të vërtetë probleme familjare dhe nuk ka qenë aspak e lehtë për mua. Ndaj tani unë kam kontaktuar vetë me Vatën dhe shpresoj që të rikthehem. Dua t’I premtoj Vllaznisë por dhe vetë trajnerit se këtë herë do të jem ai lojtar që pretendoni dhe dua ta ndihmoj Vatën që të arrijë objektivat e skuadrës. Sigurisht unë nuk kam për ta harruar kurrë atë finale të Kupës që nuk e fituam por që do të bëja të pamundurën që unë ta ndihmoja tani Vllazninë për të realizuar objektivat e saj. Mund të them se jam lojtar i lirë dhe pres një ofertë që të vij sërish në Shkodër”, është shprehur Feniks. Aktualisht lojtari është i lirë. Nuk është aktivizuar por vazhdimisht ka bërë stërvitjen me skuadrën angleze Stoke City.Ndërkohë që trajneri Rudi Vata ka pranuar që është kontaktuar nga mesfushori anglez. Duke patur parasysh që Vata ka qenë një ndër përsonat që ka garantuar cilësinë e lojtarit kur ai ka ardhur në Shkodër për herë të parë, tashmë ai ka sërish në dorë që ta risjellë sërish në qoftëse aftësitë e tij mund ti shërbejnë. “Feniks më ka shkruar në email. Mund të them se kam pyetur këtu por lojtari nuk ka lënë përshtypje të mirë kur ka qenë në Shkodër për herë të parë. Unë kam folë me drejtuesit e skuadrës por ato më janë shprehur që nuk ka lënë përshtypje të mirë. Ndaj nuk është në planet e Vllaznisë për këtë arsye pasi për kualitet, Feniks është një lojtar që i ka”, ka thënë Vata. Gjithsesi, gjatë ditëve në vijim mund të ketë ndonjë lëvizje konkrete pasi lojtari në prononcimin e tij shpresonte shumë që të bëhej sërish pjesë e Vllaznisë.
ANTON ZALLI
