Rruga e Anglisë drejt Euro 2024 po merr gjithnjë e më shumë formë, “luftanija” e Southgate dëshiron të hakmerret për finalen e humbur tre vjet më parë në Wembley kundër Italisë dhe nis si një nga kandidatët e mundshëm për të fituar turneun.
Pikërisht në lidhje me kampionatin e fundit europian, trajneri i “Tre Luanëve”, ka vendosur të lërë në shtëpi dy emra të mëdhenj të pranishëm në xhiron e tre viteve më parë, pasi mbrëmjen e djeshme tashmë kishte përjashtuar James Maddison.
I pari është Harry Maguire, mbrojtësi dhe shtylla e kombëtares angleze i përjashtuar për shkak të një problem fizik. I dyti është anësori sulmues i Manchester Cityt, Jack Grealish, i përjashtuar në mënyrë sensacionale nga 26 për shkak të një zgjedhjeje teknike.
LISTA:
Portierë: Jordan Pickford (Everton), Dean Henderson (Crystal Palace), Aaron Ramsdale (Arsenal)
Mbrojtësa: Lewis Dunk (Brighton), Joe Gomez (Liverpool), Marc Guehi (Crystal Palace), Ezri Konsa (Aston Villa), Luke Shaw (Man Utd), John Stones (Manchester City), Kieran Trippier (Newcastle), Kyle Walker (Manchester City).
Mesfushorë: Trent Alexander-Arnold (Liverpool), Conor Gallagher (Chelsea), Kobbie Mainoo (Manchester United), Declan Rice (Arsenal), Adam Wharton (Crystal Palace).
Sulmuesa: Jude Bellingham (Real Madrid), Jarrod Bowen (West Ham), Eberechi Eze (Crystal Palace), Phil Foden (Manchester City), Anthony Gordon (Newcastle), Harry Kane (Bayern Munich), Cole Palmer (Chelsea), Bukayo Saka (Arsenal), Ivan Toney (Brentford), Ollie Watkins (Aston Villa).
