Ecuria e sivjetme e Adës në këtë fillim-kampionati ka qenë e shkëlqyer teksa ka arritur dy fitore në dy javët e para dhe për rrjedhojë velipojakët kryesojnë me meritë renditjen e kampionatit të kategorisë së dytë në Grupin A.
Në rradhët e kësaj skuadre ka disa lojtarë me përvojë të cilët janë gërshetuar me elementin e ri dhe kjo gjë po jep frutet e veta. Por ai që po spikat mbi të gjithë është kapiteni i këtij ekipi Ani Ferhati. Një futbollist që është kthyer në një lider, një shembull për t’u ndjekur nga të gjithë.
Ka sjellë frymën e grupit në skuadër, bën që të gjithë të ndihen mirë në punën e tyre, një lider që bën vetëm gjëra pozitive, ndikon, shërben, spikat në lojë, është pozitiv, produktiv dhe rezultativ.
Në një prononcim për “Shkodra Sport” Ferhati do të shprehej: “Ndihem mire me këtë grup me djem të mirë që dinë të stërviten e të vendosen mirë në pozicionet e tyre.
Secili prej tyre e meriton formacionin, por 11 lojtarë lozin në fusheë. Dua të them se secili nga pjestarët e ekipit është lider në pozicionin e vet, të kesh shumë lidera në grup është pozitive, sepse rezultati vjen dhe objektivi i paracaktuar i Adës është të mbajë vendet e para në grup unë besoj se do t’ia dalim.
Ky besim vjen nga mënyra se sa mirë ndihet ekipi në këtë skuadër. Duke e mbyll, i them ekipit të ruajmë qetësinë dhe të kemi Vetëdisiplimin se suksesi është i garantuar për të synuar vetëm fitore”.
© shkodrasport.com
