Volejbollisti shkodran Anton Qafarena pak ditë më parë ka qenë shumë pranë realizimit të njërës prej dëshirave më të mëdha të jetës së tij.
Atë të fitimit të një trofeu shumë të rëndësishëm në sport. Bëhet fjalë për Kupën e Gjermanisë.
Në fakt 20 vjeçari ka provuar të fitojë trofe por vetëm në Shqipërisë sepse sezonin e kaluar u shpall kampion me Vllazninë.
Por katër ditë më parë, ai dëshironte të fitonte një tjetër trofe.
Ekipi pjesë e të cilit tashmë është Voleyball Bisons Buhl nuk ia ka dalë të fitojë trofeun e mësipërm sepse ka humbur me rezultatin 0-3 ndaj një skuadre shumë të fortë e cila është pjesmarrëse në Champions League.
Megjithatë emocionet që Qafarena ka përjetuar në SAP Arena të mbushur me 15 mijë tifozë do të mbesin gjatë në kujtesën e tij.
Megjithatë nuk do jenë të fundit. Skuadra e shkodranit është pretendente edhe në kampionat dhe do të luftojë deri në fund për fitimin e titullit kampion.
Një karrierë që ka nisur në mënyrën më të mirë të mundshme për një 20 vjeçar duke luajtur në një nga kampionatet më të forta të Europës por jo vetëm kaq: Duke qenë protagonist dinjitoz i tij.
© shkodrasport.com
