Volejbollisti shkodran Anton Qafarena eshte detyruar te mbylle para kohe sezonin ne Bundesligen gjermane, bashke me ekipin e tij Voleyball Bisons Buhl. Ka ndodhur keshtu, sepse per shkak te situates se krijuar ne kete vend nga koronavirusi, Federata gjermane e volejbollit eshte mbledhur dy dite me pare dhe ka vendosur per te nderprere si kampionatin e femrave ashtu edhe te meshkujve dhe tani e tutje nuk do te kete me gare sepse gjithçka eshte mbyllur ketu per kete sezon.
Kete gje e ka bere te ditur per “Shkodra Sport” vete shkodrani 22 vjeçar i cili shprehet: “Kampionatet ketu jane nderprere nga Federata dhe nuk do te rinisin me. Nje vendim ndoshta i detyrueshem, nisur nga situata e krijuar ne vend dhe qe po perkeqesohet nga dita ne dite dhe normalisht, askush nuk duhet ta kete mendjen tek sporti per momentin”.
Me mbylljen e sezonit, normalisht qe ka mbaruar edhe kontrata trevjeçare qe Qafarena ka patur me kete ekip. I pyetur se cila do te jete e ardhmja e tij, ai pergjigjet: “Po, kontrata qe kam patur me Voleyball Bisons Buhl mbaron tani dhe ne fillim te prillit do te shoh se çfare do te bej, nese do te kaloj tek ndonje skuader tjeter, apo do te rinovoj me kete aktualen. Drejtuesit e tij kane shprehur deshiren te me mbajne serish, por do te jete merkatoja, ajo qe do te vendose”.
I mbyllur para kohe, ky i treti ka qene me i miri per te ne Bundesligen gjermane. Ka luajtur gjate gjithe kohes titullar, kuptohet mund te kete patur uljet dhe ngritjet e ka kaluar pa asnje demtim dhe kjo ka qene shume e rendesishme per volejbollistin e kombetares shqiptare.
Te luash ne njerin prej kater kampionateve me te forta te Europes nuk eshte aspak e lehte megjithate Anton Qafarena ia ka dale me sukses fale talentit qe zoteron, por edhe punes se madhe te bere ne stervitje. “Niveli ketu eshte i larte dhe kuptohet qe oret e stervitjes te bejne me u rrit nga ana profesionale. Perpos kesaj, mbajtja e rregjimit prej profesionisti jane nje tjeter aspekt qe me ka ndihmuar shume. Keto jane elementet qe e bejne kete kampionat te forte, nuk ka ndonje sekret te madh kjo gje”- thote Antoni.
19 vjeç ndihmoi Vllazninw tw fitonte tw parin dhe tw vetmin titull kampion nw historinw e saj dhe mw pas, menjwherw nw Gjermani. Aty ku ka kaluar tre vite shumw tw suksesshme teksa po luan me shumw sukses nw Bundesligwn. I pyetur se ne çfare stadi, nga 1 tek 10 mendonte se eshte aktualisht karriera e tij, Qafarena pergjigjet:
“Karrieren nuk mundesh me e vleresu me numra mendoj une, pasi nuk mundesh me i vene vetes limite dhe nuk e di deri ku eshte limiti yt. Te limitosh veten do ta quaja deshtim por di qe duhet pune dhe vetem pune per me arrite aty ku duhet.Sot mendoj se jam i gatshem te luaj ne nivel akoma me te larte se ky qe jam aktualisht”.
© shkodrasport.com
