Antonio Marku e mbylli sezonin te Suhareka, ekip që u ngjit në Superligën kosovare, aty ku bëri një paraqitje tepër të mirë, duke qenë një nga futbollistët më të rëndësishëm në këtë skuadër.
Tashmë, Marku e ka përfunduar aventurën e tij me Suharekën dhe ai për momentin ndodhet në Shkodër pranë familjes, teksa ende nuk e ka vendosur se me cilën skuadër do të luajë në sezonin e ri.
“Shkodra Sport” ka mësuar se ai ka disa oferta nga skuadra të kampionatit kosovar, por me shumë gjasa do të rikthehet të luajë në Abissnet Superiore, teksa nuk përjashtohen edhe opsionet e tjera në Kosovë.
Megjithatë, një gjë e tillë mbetet për t’u parë dhe zbuluar në vazhdim, me Antonio Markun që ndoshta mund të rikthehet të luajë në Shqipëri pas disa vitesh mungesë.
Maringlen ZHIVANI
