Është shkruar shumë për ofertën e Arabisë Saudite ndaj Vinicius Jr. – një ofertë ekonomike e jashtëzakonshme, që do të tundonte çdo futbollist në planet. Edhe pse braziliani është shumë i lumtur te Real Madridi dhe dëshiron të vazhdojë të shkruajë historinë e tij me këtë klub, ai nuk ka qenë imun ndaj një propozimi të tillë.
Radio MARCA raportoi e para se përfaqësuesit e lojtarit kërkuan një takim me drejtuesin e Saudi Pro League, ku shprehën gatishmërinë për të dëgjuar një ofertë që do të arrinte deri në 1 miliard euro. Megjithëse, për momentin, ky transferim është pezulluar, Arabia Saudite nuk ka ndaluar përpjekjet për të sjellë më shumë ‘yje’ në ligën e saj dhe për të rritur konkurrencën.
Këtu hyn në skenë ‘FutbolJobs’, një platformë pune për futbollistët, e cila sot ka marrë një ofertë nga një agjenci ndërkombëtare përfaqësimi që kërkon lojtarë për disa pozicione në një klub të Saudi Pro League, pa e specifikuar ekipin.
Platforma ‘FutbolJobs’ u krijua në vitin 2013 nga Valentín Botella, i cili është edhe CEO aktual. Qëllimi i saj është të lidhë direkt profesionistët e futbollit me klubet që kërkojnë lojtarë për pozicione të caktuara. Në një intervistë për MARCA, ai sqaroi:
“Ne nuk jemi agjentë dhe nuk marrim komision për transferime. Të ardhurat tona vijnë nga abonentët tanë, mbi 3.000 në mbarë botën. Ne nuk lëvizim lojtarë, thjesht ofrojmë një platformë ku lojtarët, trajnerët apo fizioterapistët, me ose pa agjentë, mund të lidhen me klubet që kërkojnë një profil të caktuar.”
Oferta nga Arabia Saudite
15 milionë euro pagë vjetore dhe 40 milionë euro tarifë transferimi.
Oferta është shumë tërheqëse, por vjen me kërkesa specifike. Për të shmangur aplikimet masive, klubet kanë përcaktuar qartë kriteret:
Pozicionet e kërkuara:
Mesfushor ofensiv
Mesfushor mbrojtës
Anësor
Qendërmbrojtës
Kushtet:
Eksperiencë në liga të një niveli të ngjashëm ose më të lartë.
Dërgimi i CV-së sportive / profili në Transfermarkt.
Dërgimi i një videoje me momentet më të mira të lojtarit (e përditësuar).
Vetëm lojtarë direkt ose agjentë që kanë kontroll të plotë mbi lojtarin.
Kjo ofertë konfirmon përpjekjet e vazhdueshme të Arabisë Saudite për të tërhequr lojtarë të nivelit të lartë dhe për të bërë ligën e saj më konkurruese.
