Mirel Josa i ka qëndruar shpesh besnik idesë që pas një fitoreje formacioni nuk ndryshohet. Kështu ka gjasa të ndodhë edhe ndaj Tiranës, në ndeshjen që Vllaznia do të luajë të dielën në “Selman Stërmasi”.
Triumfi minimal në Kukës u ka dhënë një shtysë të madhe shkodranëve, që tashmë kërkojnë një tjetër trepikësh në kryeqytet. Dje ekipi është kompletuar edhe me lojtarët që ishin të grumbulluar me Kombëtaren, si Erdenis Gurishta, Esin Hakaj dhe Herald Marku.
Ata kanë treguar se janë në formë të shkëlqyer dhe do të jenë të gatshëm për formacionin që do të luajnë ndaj bardhebluve të dielën. Nga sa është vënë re në stërvitje, Vllaznia do të ketë të njëjtin rreshtim si në Kukës.
Me skemën 4-3-3 dhe tre mesfushorë, që duken me karakteristika të njëjta si Alivoda, Jonuzi dhe Boshnjaku. Josa do të kërkojë të mbyllë që në mesfushë kryesuesit. Porta dhe mbrojtja nuk kanë asnjë dilemë.
Zogoviç do të vijojë të ruajë katërkëndorin, ndërsa Gurishta, Juriç, Bulatoviç dhe Hakaj do të formojnë “digën” para tij. Ndërkohë, i vetmi dyshim pritet të jetë në majën e sulmit.
Aralica ka më shumë shanse për të qenë titullar, ashtu si në Kukës, por nuk është çudi që Josa të ndryshojë strategji dhe të luajë me Ardit Hoxhajn në majë. Pra, me një “9” false, paçka se vlonjati ka treguar se e bën mirë edhe këtë pozicion.
Nisur nga aftësitë dheshpejtësia e Hoxhajt, mund tëndryshohet në momentet e fundit edhe sa i përket skemës, por që gjithsesi për momentin Josapreferon një ekip që të ketë ekuilibër.Aralica i jep garanci për duelet në ajër, por çdo gjë për sai përket formacionit do të shikohet më mirë sot dhe nesër.
OPTIMIZMI – Në kampin shkodran duket se ka optimizëmpara sfidës ndaj Tiranës.Në këtë takim nuk janë të rëndësishme vetëm 3 pikët për garën për titull, por edhe për të treguar dominancën ndaj njëra-tjetrës.
Te shkodranët ndoshta mund të gëzohen edhe me një barazim, por patjetër si objektiv primar është fitorja në kryeqytet, kjo edhe për të ripërsëritur suksesin e fazës së parë ku ekipi i Josës fitonte 1-2 me golat e Kainës dhe Markut.
Optimizmi dhe harmonia duken në kulm në këto momente në kampin kuqeblu, ku përveç fitoreve dhe lojës së mirë së fundmi kundër Kukësit, ekipi është plotësuar thuajse 100%.Mungesë e konfirmuar është vetëm Liridon Latifi, ndërsa futbollistët e tjerë gëzojnë formë të mirë fizike.
Dueli i së dielës do tëmbyllë fazën e ndeshjeve para pauzës së Botërorit për Vllazninë, ndërsa më pas rikthehen sërish kundër Tiranës për Superkupën, me finalen që do të luhet më 7 dhjetor në “Air Albania”.
