Arben Parmeza është një emër shumë i njohur i sportit shkodran dhe atij shqiptar. Fillimisht për një karrierë të suksesshme në sportin e atletikës ndërsa prej vitesh merret edhe me futbollin në rolin e trajnerit.
Për disa vite me rradhë ai ka ushtruar sportin e atletikës nen drejtimin e trajnerit Isak Bala, i specializuar kryesisht për garat me pengesa ku është kampion në disiplinën e 110 metrave me pengesa, por konkurron me dinjitet edhe në kërcim së gjati, trehapësh dhe stafetën 4 x100 m.
Kampion dhe rekordmen i atletikës, në vitin 1995 është fitues i anketës së “10 sportistëve më të mirë të vitit në Shqipëri”. Pas
lënies së sportit, për disa vite punon si trajner i atletikës pranë klubit shumësportësh Vllaznia.
Më pas ka filluar të punojë si trajner i përgatitjes atletike tek ekipi i parë i futbollit të Vllaznisë në periudhën kur ajo drejtohej nga Rudi Vata që e mori në stafin e tij.
Më pas, kalon tek ekipi The Door ku merr drejtimin e ekipit të femrave. Punon për njëfarë periudhe edhe me ekipin e femrave AAS dhe prej dy sezonesh i është bashkuar ekipit të Vllaznisë.
Sëbashku me trajnerin tjetër Nikolin Leka janë duke bërë një punë shumë të mirë dhe si rrjedhojë po i fitojnë njëri pas tjetrit të gjitha trofetë e futbollit të femrave në Shqipëri. Ka qenë dhe është pjesë e stafeve të ekipeve kombëtare të futbollit të femrave.
Parmeza feston 49 vjetorin e lindjes dhe gazeta “Shkodra Sport” i uron atij edhe 100 vite të tjera të lumtura!
© shkodrasport.com
