Çeshtja e arbitrave ne Shqiperi eshte kthyer ne nje problem me vete. Vete Federata Shqiptare e Futbollit e ka pranuar edhe publikisht qe ndaj tyre ka patur presione dhe kercenime, por ne fund asgje nuk ka zgjidhur.
Ne fakt per t’i mbrojtur deri ne njefare menyre, Sektori perkatese prane ketij institucioni nuk i ka publikuar emrat e arbitrave deri nje apo dy ore para ndeshjeve. Por kjo nuk eshte “mbrojtje”.
Mbase Shqiperia duhet te marre shembull nga Kosova. Federata e ketij vendi ka vendosur qe per sezonin 2023-24, caktimi i arbitrave te behet me short dhe ai do të jetë transparent sepse do te behet me transmetim te drejtpërdrejte në rrjetet sociale të saj.
Nese do te ndodhte keshtu edhe ne Shqiperi, do binin poshte paragjykimet (qe ne shume raste jane edhe pjese e realitetit), per caktim te arbitrave qe njihen si mbeshtetes te njeres apo tjetres skuader. Shorti do t’u mbylle gojen te gjitheve dhe mbase kjo gje duhet bere edhe ne futbollin tone.
