Milorad Mazic, i cili është votuar si arbitri më i keq e Kupës së Botës të 2014-ës, është përzgjedhur për të arbitruar finalen e Champions League që do të luhet 26 majin e ardhshëm në Kiev mes Re Madrid dhe Liverpool.
Mazic ka shkaktuar shumë polemika katër vite më parë për vendimet e marra në ndeshjen Gjermani-Portugali.
Ai dha një penallti të dyshimtë për gjermanët dhe nxori me karton të kuq Pepe, pasi ky i fundit goditi me kokë Thomas Muller.
Gjithashtu, ai i mohoi një penallti Iranit në ndeshjen kundër Argjentinës, që e fitoi atë takim me rezultatin 1-0.
Në përfundim të asaj ndeshje, Carlos Queiroz, trajneri i Iranit dhe ish-trajner i Real Madrid, tha: “Si mund ta zërë gjumi natën këtë njeri? Do të doja të flisja vetëm për vetëm me të”.
Një faqe interneti, e quajtur “redcardtheref.com”, zhvilloi një sondazh pas Botërorit të 2014-ës, duke i kërkuar publikut të votonte arbitrin më të keq të kompeticionit dhe Mazi u shpall “fitues” me 87,362 vota nga 110.000 në total.
Gjithsesi, duhet thënë se paraqitja e tij u përmirësua ndjeshëm në Euro 2016, ku ishte një nga kandidatët për të drejtuar finalen, një nder që iu besua në fund anglezit Mark Clattenburg./telesport/
