Ditët e fundit ekipi “Vllaznia B” ka nisur të plotësohet me disa lojtarë cilësorë kjo pasi doli domosdoshmëri një gjë e tillë. Largimet e Demës dhe Erkoçeviq apo dhe ato të Hajdarit e Ruqit që kanë kaluar tek ekipi i parë, nuk kanë mbyllur serinë e largimeve. Një futbollist tjetër vërtetë nuk është larguar nga skuadra por do të qëndrojë edhe së paku dy muaj të tjerë jashtë fushave të blerta. Bëhet jalë për mesfushorin- sulmues Arbjas Hasani. Në ditët e fundit të muajit dhjetor, gjatë procesit stërvitor ai ka pësuar një dëmtim në gju.
Pas ekzaminimeve të bëra, ka rezultuar çarje e meniskut. Një gjë e tillë natyrisht që do kohë për t’u rikuperuar dhe me shumë mundësi, 21 vjeçarit do t’i duhen edhe dy muaj kohë për t’iu bashkuar ekipit. Kjo ka shtuar edhe më shumë problemet për trajnerin Kraja që është munduar të gjejë lojtarë të tjerë për të kompesuar këto probleme që i janë krijuar me kontigjentin e futbollistëve që ka në dispozicion.
© shkodrasport.com
