Kur udhëtohet, mbi të gjitha për punë, ndihet mungesa e shtëpisë. Dhe shpesh një produkt tipik i vendit nga vjen të ndihmon në këtë sens.
Ky është edhe rasti i Argjentinës, që në Rusi, përveç pajisjeve të domosdoshme të stërvitjes nisur nga fanellat e deri te pajimet më të parëndësishme, ka menduar të marrë edhe ushqimet e nevojshme,
si një mënyrë e mirë për të pasur një shëndet optimal, përse jo për të ruajtur edhe një nivel të caktuar paraqitjeje, për t’u kthyer me diçka më shumë nga sa morën në Botërorin e shkuar.
MISH DHE SKARA – “Clarin” raporton se federata ka menduar të dërgojë në hotelin ku do grumbullohet kombëtarja në Rusi ushqime dhe jo vetëm.
Për marrjen e proteinave, përjashtuar vegjetarianin e deklaruar Serxho Aguero, Argjentina është furnizuar me mish të cilësisë së parë. Një produkt që pavarësisht preferencave të gatimit, nuk mund të konsumohet i gjithi krudo.
Kështu që federata e ka shmangur problemin, duke dërguar gjithashtu skara gjigante për t’iu lejuar djemve që të hanë të gjithë së bashku me skarat klasike me mbishkrimin “Albiceleste”.
E PAMUNGUESHMJA “MATE” – Por jo vetëm. Për të mbajtur trupin e hidratuar, energjik dhe të pastër, argjentinasit kanë nevojë për vetëm një gjë: “Mate”-n, pijen shumë popullore në gjithë Amerikën e Jugut, e cila përveçse këshillohet në Ande si ilaç për sëmundjen e lartësisë, përmban kafeinë dhe ka një efekt çlodhës.
Ajo merret nga një bimë që quhet “Yerba Mate”, nga të cilat ekipit i është dërguar një furnizim i një marke të spikatur, me logon e Federatës Argjentinase në paketim.
DHE SHEQERNAT – Sigurisht që për mirëqenien emocionale duhet edhe një dozë e caktuar sheqernash dhe yndyrash.
Dhe në valixhet e skuadrës është futur edhe një furnizim me qumështin e famshëm të kondensuar “dulce de leche”.
Edhe ky është një nga ushqimet që amerikanojugorët e kanë të pazëvendë- sueshëm në dietën e tyre. E gjithë kjo ngarkesë, që në total shkon në dhjetë mijë kilogramë bagazhe, ka mbërritur tashmë në Rusi dhe është vendosur në “bunkerin” e skuadrës së Sampaolit, i cili ndodhet rreth 50 kilometra larg Moskës.
Kjo do të thotë se për disa javë të mira (në Buenos Aires shpresojnë që të jenë më shumë), ai do të transformohet në një restorant argjentinas, me shpresën që këtë herë,
Mesi me shokë të kenë më shumë fat nga sa patën 4 vite më parë në Brazil, ku mbërritën deri në finale./panorama-sport/
