Premtimi i trajnerit Ervis Kraja para ndeshjes për një fitore të mundshme në takimin e sotëm ndaj Erzenit, është realizuar.
Goli i mesfushorit Ari Djepaxhia në minutën e 67-të ka qenë shumë i rëndësishëm sepse i ka dhënë tre pikë shumë të rëndësishme ekipit shkodran.
Vllaznia B ka zhvilluar një ndeshje të mirë ndonëse në rradhët e saj nuk ka patur asnjë lojtar të ekipit të parë.
Ata që kanë qenë në fushë janë munduar të japin më të mirën e tyre dhe pavarësisht rasteve të krijuara që në pjesën e parë, goli i shumëpritur do të shënohej vetëm në pjesën e dytë.
Me këtë fitore, Vllaznia B është ngjitur në kuotën e 19 pikëve duke qenë tashmë në vendin e shtatë në renditje.
© shkodrasport.com
