Ekipi i vajzave të Vllaznisë, bën historinë ditën e sotme me kualifikimin në turin tjetër të Champions League dhe të shumtë kanë qenë personat të cilët kanë reaguar duke i ngritur “në qiell të shtatë” vajzat shkodrane.
Një prej tyre ka qenë dhe presidenti i Federatës së Futbollit Shqiptar, Armand Duka, i cili me një postim në profilin e tij të instagram, ka uruar me një mesazh special ekipin shkodran.
“Bravo Vllazni! Kualifikimi i sotëm i Vllaznisë në UEFA Women’s Champions League është padiskutim një histori suksesi që duhen ndjekur nga të gjithë dhe një burim frymëzimi për të investuar akoma më shumë te futbolli femrave.
Shumë urime Presidentit Matija dhe vajzave shkodrane që na bënë krenar me suksesin e tyre!”, ka shkruar Armand Duka në Instagram.
Armand Duka urim emocionues për ekipin shkodran: Bravo Vllazni! Jeni frymëzim për Shqipërinë
