Laçi ia doli që të rikthehet te fitorja në kampionat pas 9 ndeshjesh. Kurbinasit mposhtën në “Niko Dovana” skuadrën e Tetutës dhe morën kështu një 3 pikësh me shumë vlerë ndaj një rivali të vështirë si durrsakët.
Bardhezinjtë pas kësaj fitorje tashmë bën ‘lëmsh’ llogaritë e Superiores. Humbja me Laçin, Teutës i kushton, pasi tashmë ‘djemtë e detit’ zbresin në vendin e 8-të në klasifikim, pozicion që të çon në “Play-Off”, ndërkohë kurbinasit e Armando Cungut ngjiten në vendine 7-të në tabelën e klasifikimit.
Trajneri shkodran i kurbinasve i jep fund kështu “agjërimit” të skuadrës së tij që në Superiore kishte harruar “shijen” e fitores dhe 3 pikëshi i fundit ishte ndaj Partizanit më 20 janar 2024.
Tashmë me fitoren ndaj Teutës ndodhen vetëm 8 pikë larg Dinamos që ndodhet në vendin e 4-të të “Final – Four”. Por jo vetëm kaq, pasi fitorja ndaj Teutës u vështirëson akoma më shumë mbijetesën Kukësit dhe Erzenit./newsport/
