Është arrestuar këtë mesditë kryetari i Bashkisë së Lezhës Fran Frrokaj ndërsa janë shpallur edhe 23 urdhër arreste për zyrtarë të tjerë si; juristë, drejtues hipotekash dhe administratorë të njësive.
Ndërkohë newsport.al ka mësuar ekskluzivisht se në listën prej 23 vetësh është edhe futbollisti i Vllaznisë, Renato Malota. Qendërmbrojtësi lezhjan akuzohet si bashkëpunëtor në skemën e mashtrimit të kryesuar nga Fran Frrokaj.
Dosja e këtij hetimi 2 vjeçar mbahet ende hermetike për median e publikun por paraprakisht mësohet se kemi të bëjmë me të njëjtën skemë mashtrimi si ajo në Spille.
Zyrtarët janë të përfshirë edhe në falsifikime dokumentash, bashkë me ta edhe shtatlarti i shkodranëve. Ky operacion special erdhi pas një inspektimi të Kontrollit të Lartë të Shtetit.
Tashmë futbollisti i Vllaznise do të hetohet nga organet ligjvënëse. Pritet me interes të mësohet se si do të mbyllet kjo çështje për qendërmbrojtësin e Vllaznisë, i cili ka qenë titullar i padiskutueshëm në formacionin e Ernest GJOKËS.
23 zyrtarët nën hetim, nga të cilët 8 të arrestuar dhe 5 të detyruar mos lëvizin nga shtëpia rëndon akuza “Shpërdorim detyre në bashkëpunim” për dy sipërfaqe pronash; njëra 25 mijë e 146 m2 dhe një tjetër pronë 13 370 metër katrorë (e dyta nën sekuestro nga prokuroria)./Newsport.al/
