Arrigo Saki ka komentuar barazimin në derbi mes Milanit dhe Interit.
“Prisja një ndeshje të hapur sa i përket rezultatit. Mbi të gjitha, sepse derbet në San Siro dalin jashtë çdo parashikimi, gjithçka bëhet e mundur dhe sepse në ndeshjet direkte nuk ka shumë diferenca teknike dhe taktike. Por aty duket më shumë shpirti i grupit dhe kapaciteti për menaxhimin e skuadrës. Aspekti psikologjik në një derbi është shumë i rëndësishëm. Është e vërtetë që Milani, edhe pse një ekip më inferior sesa Interi, siç e tregon klasifikimi, e di shumë mirë që mund të bëjë mirë.
Në katër derbi ka fituar 2 dhe ka barazuar 2. Kjo do të thotë se në këto raste, kuqezinjtë kanë qenë të zotët për të zhbërë diferencat me rivalët dhe për të qenë në një nivel me ta. Milani ka qenë gjithmonë i rrezikshëm në derbi, me golat e Abrahamit në pjesën e dytë. Ishte një aksion i bukur i kuqezinjve, por edhe mbrojtësit e Interit patën faj që nuk e sulmuan rivalin me agresivitet.
Por gjithçka e vuri në vend dhe në ekuilibër Çalhanoglu, që ishte protagonisti më i madh i ndeshjes. Mendoj se rezultati është i drejtë dhe mundësitë për të shkuar në finale janë të njëjta si për Milanin ashtu edhe për Interin. Nuk ka favoritë në këtë ndeshje. Mund të jap 50% për Milanin dhe 50% për Interin.
Nuk është se nuk dua të zhbalancohem, por kjo është e vërteta. Interi ka më shumë kualitet dhe kjo është e sigurt, si në aspektin fizik dhe teknik, por Milani tregoi në fushë që mund të jetë afër. Në pjesën e dytë kam vlerësuar shumë punën dhe sakrificën e Leaos dhe Hernandezit, dy lojtarë që nuk shkëlqejnë shumë në ndihmën ndaj shokëve. Kjo do të thotë se derbi i transformon ata dhe lojtarët e tjerë.
